2013ko ekainaren 25ean, Berreginen Museo ko eta Euskal Museoa Fundazioko patronatu batzordeek kudeaketa batzea adostu zuten, bi ekipamenduetako ezaugarri komunak kontuan hartuta. Harrezkero, kudeaketa pertsonalitate juridiko propioa duen Erakunde bakar baten bidez egiten da, hain zuzen ere, 2014ko martxoaren 4an egindako Administrazio Batzordean eratutako Bilbao Bizkaia Museoak S.L. erakundearen bidez.
Bi museoek xede komun eta osagarriak dituzte, eta menpekoak diren bi Administrazio Publikoek, hau da, Bilboko Udaleko Kultura eta Hezkuntza Sailak eta Bizkaiko Foru Aldundiko Kultura Sailak, parte-hartze bera dute horietan.
Bilboko Berreginen Museoa 1922. urtean sortutako erakunde batek kudeatzen zuen. Museoko bildumaren balioa bertako berreginen “kalitatean” dago. Erakusten diren piezek, gehienak Grezia Klasikoko garaikoak, “jatorrizko obren igeltsuzko lehenengo kopiak” dira, eta, besteak beste, Londresko Museo Britainiarrean, Parisko Louvren edota Florentziako (Italia) Akademia ospetsuan erakutsi izan dira.
Bilboko Euskal Museoa 1921ean ireki zen, Bizkaiko Foru Aldundiak eta Bilboko Udalak sortuta. Gaur egun, Euskal Museoa-Museo Vasco de Bilbao izenarekin ezagutzen da. Kulturako jardueraren printzipio gidaria da “bildumak osatzen dituzten eta historian zehar euskal herritarrek garatu dituzten bizimoduak lekukotzen dituzten objektuak zaintzea eta hedatzea” .